სტუდიაში ყველა საგანი ისწავლება ინტერაქტიული მეთოდითა და შემოქმედებითი მიდგომით: ხატვა, ხატვა+ძერწვა, ნახევრად აკადემიური ხატვა, აკადემიური ხატვა, ხელოვნების ისტორია, ხელოვნების რა-კურსი, ხატვა+მითოლოგია, ძერწვა+მითოლოგია, ვქმნით წიგნებს, მხიარული მათემატიკა, არქიტექტუ-რა, არტ-მენეჯმენტი, ინგლისური 'ითამაშე და ისწავლე'და ინგლისური (დონეების მიხედვით) უცხოენოვან მასწავლებელთან ერთად.

სტუდიაში მიღება ხდება 4 წლიდან, ჯგუფები დაყოფილია ასაკობრივად, როგორც ბავშვებისთვის, ასევე სტუდენტებისთვისა და ზრდასრულებისთვის. ზედა ზღვარი არ გვაქვს.

საგნების თვიური საფასური იწყება 78 ლარიდან. მოქმედებს შემდეგი ფასდაკლებები: 3 ან მეტი საგნის არჩევის შემთხვევაში, საგნების თვიურ ჯამურ საფასურს აკლდება 10 % ერთი ოჯახიდან 2 ან მეტი წევრის შემთხვევაში, საგნების თვიურ ჯამურ საფასურს აკლდება 10% 10%-იანი ფასდაკლება ხელოვნების ისტორია+ხატვის ჯგუფზე (ასაკობრივი ჯგუფი 8-9) 20%-იანი სტუდენტური ფასდაკლება აკადემიური ხატვის ჯგუფსა და ხელოვნების რა-კურსზე

ბავშების რაოდენობა განისაზღვრება საგნის სპეციფიკიდან გამომდინარე, ამ ეტაპზე თითოეულ ჯგუფში ვიღებთ 8-10 ბავშვს.

სტუდიაში ხდება უცხოენოვანი მოსწავლეების მიღება.

ჯგუფებში ჩაწერა შესაძლებელია ნებისმიერ დროს, თუ სასურველ ჯგუფში არის ადგილი. იმ შემთხვევაში თუ ჯგუფებში ადგილი არ გვაქვს, ჩაწერა ხდება მომლოდინეთა სიაში და ადგილის გათავისუფლების შემთხვევაში, მაშინვე გატყობინებთ. ახალი სასწავლო წლისთვის ჩაწერა კი იწყება გაზაფხულზე.

2022-2023 სასწავლო წლის დაწყების თარიღი დაანონსდება აგვისტოში.

სასწავლო წლის შემაჯამებელი გრანდიოზული გამოფენა ტარდება ყოველწლიურად, ივნისის თვეში, რომელიც ერთგვარი ფესტივალია და დატვირთულია სხვადასხვა ვორქშოპებითა და ვიქტორინებით, როგორც ბავშვებისთვის, ასევე ზრდასრულებისთვის. გამოფენაზე დასწრება შეუძლია ნებისმიერ მსურველს და არის სრულიად უფასო.